„Babūnēles jopēle“ – edokacėnės gargždėškiū etnapruojekts

Albīnas Anānjevas nuotr.: VšĮ Klaipiedas rajuona amatū centre – kūrībėnės dėrbtovės „Lietoviu tautėnē drabužē. Aprėnk lielė“.

 

Šēs, Tautėnė kuostiuma metās, nuoront stėprėnti tautėnė ėr pilietėnė identitēta ėr padietė išsauguotė etnakultūras tradīcėjės, Klaipiedas rajuona savivaldībės Juona Lonkutė viešuosės bibliuotekas Vakū literatūras skīrius organizāva etnapruojekta „Babūnēles jopēle“. Formats – natradīcinis, soskėrstīts ė tris etapus.

Bibliuotekas pruojekta bičiulē – Gargždū luopšēlė-daržēlė „Uožouliuks“ vaduovā so dėdeliu užsidegėmu ėr kūrībiniem fantazijuom padiejė gīmtė unikalēm spektakliou „Babūnēles jopēle“.Pėrmouju etapu vakā ėr anū tievelē, vaduovā ėr kėtė dalīvē bova pakveistė ė edukacėnė pruotu mūšė „Tautėnės kuostiums – praeiteis mada“. Žaidībėnė fuorma bova supažindinama su tautėnė kuostiuma istuoriografije ėr tautėniu kuostėmu detāliu, rāštu, spalvū īpatībiem. Dalīvē rungtīniāva, kas geriau pažīns tautėniu drabūžiu elemėntus (pvz., sermiega, vīžas, delmuona ėr kt.), atspies, kuokė regijuona tautėnēs drabužēs pasipoušusi Prezidėntė Dālė Grībauskaitė, ėr kt. Žaidėme bova na tik pateiktė klausėmā, bet ir platē aptariami teisīngi atsakīmā, nauduojamas vaizda ėr garsa mēdžiagas.

Ontrouju etapu pruojekta dalīvē ītraukti ī kūrībėni pruocesā. Susirīnkė VšĮ Klaipiedas rajuona amatū cėntrė galiejė savė išbondīti skėrtingu senuovės amatininku ruolie, pvz., audiejė, vītēliu pīniejė, uodininka ėr pan. Bet pats īdomiausės pruocesos anū laukė vieliau. Kartu so cėntra vaduovė Valė Krauleidienė ėr tautuodailininkė, dailės muokytuojė ekspērtė Valduonėjė Karaliūnienė bova kūrībėnės dėbtovės „Lietoviu tautėnē drabužē. Aprėnk lielė“. Sopažīndėna so senuojė lietoviu audėma tēchnėka ėr istuorėjė, audė audėnius, gamėna žemaitėškās audėnēs pouštas lielės, skanāva lietovišku patiekalū. Dėrbtovės labā patėka vakāms.

„Pagrėndėnis etnapruojekta „Babūnēles jopēle“ siekės – sokortė žemaitiū tarmies spektāklė, katras paskatīntu duomietės mūsa tautiškomu ėr tradicėjuom. Mažeijē na tėik poikē vaidėna, dainiāva žemaitėškas dainas, bet ėr šuoka tradīcėnius šuokius, – pasakuojė Vākū literatūras skīriaus vediejės pavadoutuojė edukacijē ėr informacėjē Albīna Anānjeva. – Bibliuotekas pruojekta bičiulē – Gargždū luopšēlė-daržēlė „Uožoulioks“ vaduovā so dėdeliu užsidegėmu ėr kūrībiniem fantazijuom padiejė gīmtė unikalēm spektakliou „Babūnēles jopēle“. Sokortas lielės, pouštas tautėnēs muotyvās, tor išleikamojė edukācėnė vērtė.“

Planoujama tuokės veiklas vikdīti ėr kėtūsė viešuosės bibliuotekas filialūs, tēp suduomėnont dar daugiau rajuona gīventuoju. Tėkietėna, kad ateitie edukācėjė pavėrs ė tēstėnė tarmėškū spektākliū festivālė, kor būtu pristatuomė Klaipiedas rajuona bėndruomėniū korti žemaitėški lieliū tētra spektaklē.

Parašykite komentarą

El. pašto adresas nebus skelbiamas. Būtini laukeliai pažymėti *

Daugiau straipsnių