Rodėns jopelė
Rodou pasiova jopelė marga.
Mondriausēs raštās zgrebnā apnierė.
Dėina ėr nakti sokumpės varga
Pri spingsoulelės – dīvijuos svierė.
Kuokės tuos spalvas? Šongrībiu, gėliū!
Atvažnē, struošnē numaliavuota!
Netor jopelė kėšieniu gėliū –
Kor vakarīkštė dėina kavuotė?
Mona koskelė – pati dailiausė!
Staipuos pliuotkerka daržalė galė.
Ni juokiam kruomė tuokiuos nagausi!
Kėinuo tik nuori, paklaustė gali.
Numuojės ronka, klumpėn ož noma
Rodou, pamėslėjės tēp nurokava –
Ne tau soprastė tuoki strainoma!
Ana borniounas, kuožnam jug sava!
Vuo žemė džiaugas jopelės šėlku,
Strainomu raštu, tam čiesou doutū.
Rodėns duosnomu, katras apvėlka –
Rēks dėdlē grētā rokoutėis so groudu
Renata Kuršītė (Švėntuoji)